സങ്കീർത്തനങ്ങൾ 88
അധ്യായങ്ങൾ
പരിത്യക്തൻെറ വിലാപം
1കർത്താവേ, പകൽ മുഴുവൻ ഞാൻ സഹായത്തിനപേക്ഷിക്കുന്നു;
രാത്രിയിൽ അങ്ങയുടെ സന്നിധിയിൽനിലവിളിക്കുന്നു.
രാത്രിയിൽ അങ്ങയുടെ സന്നിധിയിൽനിലവിളിക്കുന്നു.
2എന്റെ പ്രാർഥന അങ്ങയുടെ മുൻപിൽഎത്തുമാറാകട്ടെ! എന്റെ നിലവിളിക്കു ചെവിചായിക്കണമേ!
3എന്റെ ആത്മാവു ദുഃഖപൂർണമാണ്;
എന്റെ ജീവൻ പാതാളത്തിന്റെ വക്കിലെത്തിയിരിക്കുന്നു.
എന്റെ ജീവൻ പാതാളത്തിന്റെ വക്കിലെത്തിയിരിക്കുന്നു.
4പാതാളത്തിൽ പതിക്കാൻ പോകുന്നവരുടെ കൂട്ടത്തിൽ ഞാൻ എണ്ണപ്പെട്ടിരിക്കുന്നു;
എന്റെ ശക്തി ചോർന്നുപോയി.
എന്റെ ശക്തി ചോർന്നുപോയി.
5മരിച്ചവരുടെയിടയിൽ പരിത്യജിക്കപ്പെട്ടവനെപ്പോലെയും ശവകുടീരത്തിൽ കിടക്കുന്ന വധിക്കപ്പെട്ടവരെപ്പോലെയും,
അങ്ങ് ഇനി ഒരിക്കലും ഓർക്കാത്തവരെപ്പോലെയും ഞാൻ അങ്ങിൽനിന്നുവിച്ഛേദിക്കപ്പെട്ടിരിക്കുന്നു.
അങ്ങ് ഇനി ഒരിക്കലും ഓർക്കാത്തവരെപ്പോലെയും ഞാൻ അങ്ങിൽനിന്നുവിച്ഛേദിക്കപ്പെട്ടിരിക്കുന്നു.
6അങ്ങ് എന്നെ പാതാളത്തിന്റെ അടിത്തട്ടിൽ,
അന്ധകാരപൂർണവും അഗാധവുമായതലത്തിൽ, ഉപേക്ഷിച്ചിരിക്കുന്നു.
അന്ധകാരപൂർണവും അഗാധവുമായതലത്തിൽ, ഉപേക്ഷിച്ചിരിക്കുന്നു.
7അങ്ങയുടെ ക്രോധം എന്നെ ഞെരുക്കുന്നു;
അങ്ങയുടെ തിരമാലകൾ എന്നെ മൂടുന്നു.
അങ്ങയുടെ തിരമാലകൾ എന്നെ മൂടുന്നു.
8കൂട്ടുകാർ എന്നെ വിട്ടകലാൻ അങ്ങ് ഇടയാക്കി,
അവർക്ക് എന്നെ ബീഭത്സ വസ്തുവാക്കി;
രക്ഷപെടാൻ ആവാത്തവിധം അങ്ങ് എന്നെതടവിലാക്കി.
അവർക്ക് എന്നെ ബീഭത്സ വസ്തുവാക്കി;
രക്ഷപെടാൻ ആവാത്തവിധം അങ്ങ് എന്നെതടവിലാക്കി.
9ദുഃഖംകൊണ്ട് എന്റെ കണ്ണു മങ്ങിപ്പോകുന്നു;
കർത്താവേ, എന്നും ഞാൻ അങ്ങയെവിളിച്ചപേക്ഷിക്കുന്നു; ഞാൻ അങ്ങയുടെ സന്നിധിയിലേക്കു കൈകൾ ഉയർത്തുന്നു.
കർത്താവേ, എന്നും ഞാൻ അങ്ങയെവിളിച്ചപേക്ഷിക്കുന്നു; ഞാൻ അങ്ങയുടെ സന്നിധിയിലേക്കു കൈകൾ ഉയർത്തുന്നു.
10മരിച്ചവർക്കുവേണ്ടി അങ്ങ് അദ്ഭുതംപ്രവർത്തിക്കുമോ? നിഴലുകൾ അങ്ങയെ പുകഴ്ത്താൻ ഉണർന്നെഴുന്നേൽക്കുമോ?
11ശവകുടീരത്തിൽ അങ്ങയുടെ സ്നേഹവും
വിനാശത്തിൽ അങ്ങയുടെ വിശ്വസ്തതയും പ്രഘോഷിക്കുമോ?
വിനാശത്തിൽ അങ്ങയുടെ വിശ്വസ്തതയും പ്രഘോഷിക്കുമോ?
12അന്ധകാരത്തിൽ അങ്ങയുടെ അദ്ഭുതങ്ങളും
വിസ്മൃതിയുടെ ദേശത്ത് അങ്ങയുടെരക്ഷാകരസഹായവും അറിയപ്പെടുമോ?
വിസ്മൃതിയുടെ ദേശത്ത് അങ്ങയുടെരക്ഷാകരസഹായവും അറിയപ്പെടുമോ?
13കർത്താവേ, ഞാൻ അങ്ങയോടുനിലവിളിച്ചപേക്ഷിക്കുന്നു;
പ്രഭാതത്തിൽ എന്റെ പ്രാർഥന അങ്ങയുടെ സന്നിധിയിൽ എത്തുന്നു.
പ്രഭാതത്തിൽ എന്റെ പ്രാർഥന അങ്ങയുടെ സന്നിധിയിൽ എത്തുന്നു.
14കർത്താവേ, അങ്ങ് എന്നെതള്ളിക്കളയുന്നതെന്തുകൊണ്ട്? എന്നിൽനിന്നു മുഖം മറയ്ക്കുന്നതെന്തുകൊണ്ട്?
15ചെറുപ്പം മുതൽ ഇന്നോളം ഞാൻ പീഡിതനും മരണാസന്നനുമായി, അങ്ങയുടെ ഭീകര ശിക്ഷകൾ സഹിക്കുന്നു; ഞാൻ നിസ്സഹായനാണ്.
16അങ്ങയുടെ ക്രോധം എന്റെ നേരേകവിഞ്ഞൊഴുകി; അങ്ങയുടെഭീകരാക്രമങ്ങൾ എന്നെ നശിപ്പിക്കുന്നു.
17പെരുവെള്ളംപോലെ അതു നിരന്തരം എന്നെ വലയംചെയ്യുന്നു; അവ ഒരുമിച്ച് എന്നെ പൊതിയുന്നു.
18സ്നേഹിതരെയും അയൽക്കാരെയും അങ്ങ് എന്നിൽനിന്ന് അകറ്റിയിരിക്കുന്നു; അന്ധകാരം മാത്രമാണ് എന്റെ സഹചരൻ.